Posts

401. ŨKAI WĨANĨ, KAŨ NĨ MŨKWATYE

ŨKAI WĨANĨ, KAŨ NĨ MŨKWATYE (Sound the battle cry) 1. Ũkai wĩanĩ kaũ nĩ mũkwatye, Taĩai syĩtwa yĩĩ ya Yesũ; Mũtethye wĩa mũte na w’ia, Wĩa wa Yesũ nĩ mwingĩ vyũ.   Chorus: Ĩĩ, mũkĩleĩ, na mũte na w’ia, Mũthangaae wĩanĩ wake. Menai satani na mawĩa make: Klĩsto nĩwe mũtongoi waitũ.   2. Nĩtũũthi na mbee twĩ nguthu nene Vamwe na Yesũ tũkakĩlya: Wathonĩ wake twĩ na wĩkwatyo. Mũmaitha ndakatũkĩlya.   3. Andũ, inyw'onthe likai thayũnĩ, Na mũtikamũlee Yesũ, Mũĩthi mũseo na mũthingu vyũ, Nĩwe nengete thayũ.   4. Ngatana mũno, nĩvo ĩtunĩ, Kũla Mwĩaĩi waendie, Nũndaanasya yu kaũnĩ ũla mwai N’akambĩkya kwake ĩtunĩ.   5. We, mwene vinya nĩtũkwĩsũva ũtũtethasye twĩ kũũ nthĩ, Kaũ ũũ wathela wose a maku, ĩtunĩ tũkekalaa thayũ. (Amen)
Post a Comment
Read more

402. VE KŨTAVWA NĨ NTHĨ

VE KŨTAVWA NĨ NTHĨ (You are drifting) 1. Ve kũtavwa nĩ nthĩ ĩno Eth’wa ndwĩna mũĩkĩĩo, Nũkatavwa yuyu nĩ nthĩ ĩno tũĩ. Nũũtavwa nĩ motanu, Motanu ma kũkũ nthĩ; Nũkũtavwa yuyu nĩ nthĩ ĩno tũĩ.   Chorus: Ve kũtavwa yu nĩ nth’ĩno. Ve kũtavwa, nĩ nth’ĩno. Nũkũtavwa we, Kuma wendonĩ wa Ngai, Na kũtũngwa naĩnĩ; Nũkũtavwa yuyu nĩ nthĩ ĩno tũĩ.   2. Kyeni kya w’o nĩvo kĩĩ Kya kũkwon’ya vala ũĩ: Nũkũtavwa yuyu nĩ nthĩ ĩno tũĩ. Wĩ na Yesũ vamwe yu, Kana nũmũtiĩte? Nũkũtavwa yuyu nĩ nthĩ ĩno tũĩ.   3. ĩw’a wasya ũikwĩta Wasya wa Veva wa Ngai: Nũkũtavwa yuyu nĩ nthĩ ĩno tũĩ. Yu ndũkomye ngoo yaku, Syoke wendonĩ wa Ngai, Ndũkatw’ĩke mũndũ wa nthĩ ĩno tũĩ. (Amen)
Post a Comment
Read more

403. NDONGOESYA WE MWOVOSYA

N DONGOESYA WE MWOVOSYA (Lead me Saviour) 1. Ndongoesya we Mwovosya; Nzĩanĩ syonthe kũũ nthĩ, Kwaku nĩvo ve ũsũvĩo, . Wendo waku ũkanzũvĩa.   Chorus: Ndwaa nyie, ndwaa nyie, Mwovosya ndongoesya, Ndongoesya kũndũ kw’onthe, Nĩ waku we Mwovosya.   2. We wĩ wĩvitho wakwa, Yĩla kwĩna iuutani, Nĩnzũvĩawa nue, Na mawĩkwatyo makwa.   3. Thayũ wakwa wathela, Mwovosya wĩmbĩnũkya, Nth’ĩsu nzaũ ĩte mĩnoo, Ngavyaĩwa methoi makwa.   4. Ona andũ makũtia, Nyie ngekala nĩ naku, Kũvika mũthenya ũsu, Wĩmbĩta nũke kwaku.   5. Kwenda kw’onthe kwakwa nyie, Nĩ kwona andũ maitũ, Maieka maũndũ ma nthĩ, Moke kwaku Mwĩaĩi. (Amen)
Post a Comment
Read more

404. ŨNGWATE MOKO MWĨAĨI

ŨNGWATE MOKO MWĨAĨI (Hold though my hand) 1. Ũngwate moko, Mwĩaĩi, na ũkĩndwaa Mũvaka kũka kwaku, ũmbovosye, Ndikwenda kũthi nyioka, nyie nditonya, ũmbose nĩthi naku, nĩ waku.   2. Ngoo yakwa ndi na vinya, mbĩw’ĩa tei, Na ngĩw’a woo na mũyo mũnene; ĩĩ, asa, kũya kwaku ũnthũmũsye, Salukya metho makwa, nue mũĩ.   3. Na ngyũlanĩlwa nue, ta ũtavaĩ, Wĩ kwakwa, nũkũmbĩta mbĩnũkye; ũngwate moko, Mwĩaĩi, na ũndwae, Mũvaka kũu kwaku ĩtunĩ. (Amen)
Post a Comment
Read more

405. NĨVAĨ MŨNDŨ

NĨVAĨ MŨNDŨ (Anyone to be a soldier?) 1. Nĩvaĩ mũndũ ethwe mũsikalĩ? Nĩvaĩ mũndũ ethwe mũsikalĩ? Nĩvaĩ mũndũ ethwe mũsikalĩ? Wa ngelan’yonĩ.   Chorus: Ĩĩ, ĩĩ, nĩtũmũkathe Yesũ, ĩĩ, ĩĩ, nĩtũmũkathe Yesũ, ĩĩ, ĩĩ, nĩtũmũkathe Yesũ, Vu ngelan’yonĩ.   2. Nĩnyie ngwenda kwĩthwa mũsikalĩ Naku ndũke wĩthwe mũsikalĩ? ũkai kwake mwĩthwe asikalĩ, Ma ngelan’yonĩ.   3. Kwake nĩvo twosete wĩkwatyo Navo twĩna mũĩkĩĩo mũlũmu, Wendo witũ naw’o ndũkathela Vu ngelan’yonĩ.   4. Mboya syaw’o nĩ sya mũsikalĩ, ũny’au waw’o nĩwa mũsikalĩ, Ngũmbaũ yaw’o nĩya mũsikalĩ, Wa ngelan’yonĩ. (Amen)
Post a Comment
Read more

406. KŨŨ KWĨNA THĨNA

KŨŨ KWĨNA THĨNA (Steal away to Jesus) 1. Kũũ kwĩ na thĩna, Na kũya nĩ kũseo; Wasya wa soo wĩ ngoonĩ yakwa, Na ndyĩkalanga kũũ nthĩ.   Chorus: Tũendei, tũendei, Tũendei kwa Yesũ, Tũendei kwitũ kwa Ngai - Nyie ndyĩkalanga kũũ nthĩ.   2. Mwĩaĩi nũmbĩtaa Na kĩtundumo kyake; Wasya wa soo wĩ ngoonĩ yakwa, Na ndyikalanga kũũ nthĩ.   3. Yĩla kwĩna kyeni, Mũthũku nũtelemaa Wasya wa soo wĩ ngoonĩ yakwa, Na ndyĩkalanga kũũ nthĩ.   4. Mwĩaĩi nũmbĩtaa, Na wendo mũnene vyũ, Wasya wa soo wĩ ngoonĩ yakwa, Na ndyĩkalanga kũũ nthĩ. (Amen)
Post a Comment
Read more

407. ITHYĨ TWĨ ASIKALĨ

ITHYĨ TWĨ ASIKALĨ (Soldiers of zion, on we go) 1. Ithyĩ twĩ asikalĩ ma Yesũ Klĩsto Tũkakĩlya satani na vinya wa Yesũ, Tina vinya wa mũndũ ĩndĩ o ũla wa Ngai, Tũkamũkũna mũmaitha aeke kũtũkusya!   Chorus: Ithyĩ twĩ asikalĩ tũtikakĩa satani Nĩtũkakĩlya nĩtwĩsĩ na vinya wa Yesũ.   2. Ĩw’a ndeto syake Yesũ ila ĩkatũtangĩĩa, Yesũ akw’ie mũtĩnĩ atũekee mawathe, Tũmũvikĩle kaũnĩ wa kũmũlũngya satani Na ĩtina tũkanengwa thayũ ũtathela.   3. Vikĩlai Mwĩaĩi Yesũ atwĩke Mũtangĩĩi waitũ, Mũtikethwe mawathenĩ ĩndĩ mũtũe kwa Ngai, Satani na andũ make oonthe makekw’a mwakinĩ. Ĩndĩ ithyĩ twĩalyũle tũmwendeesye Ngai. (Amen)
Post a Comment
Read more